Friday, May 24, 2024

កម្ពុជារៀបចំពិព័រណ៍ «ពន្លកបៃតង» និងចែកដើមឈើយ៉ាងតិច១លានដើមជូនប្រជាពលរដ្ឋយកទៅដាំ នៅថ្ងៃទី១០-១៦ ខែកក្កដា ខាងមុខ

អ្នកទស្សនា: Views

រាជធានីភ្នំពេញ÷ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន នៅក្នុងជំនួបជាមួយអ្នកសារព័ត៌មាន នៅព្រឹកថ្ងៃចន្ទ ទី២ ០ ខែឧសភា ឆ្នាំ២០២៤ បានលើកឡើងថា ក្រសួងបរិស្ថានការរៀបចំតាំងពិព័រណ៍ និងចែកកូនឈើ ក្រោមមូលបទ«ពន្លកបៃត ង» ចាប់ពីថ្ងៃទី១០-១៦ ខែកក្ដដា ខាងមុខនេះ ដោយមានការដាក់តាំងបង្ហាញនូវដើមឈើជាច្រើនប្រភេទ ចំនួនជា ង១លានដើម ដើម្បីចែកជូនប្រជាសហគមន៍ ដាំលើផ្ទៃដីសឹករិចរិល នៅតាមផ្លូវសាធារណៈ សាលារៀន វត្តអារាម និងតាមតំបន់ផ្សេងៗទៀតនៅក្នុងមូលដ្ឋានរស់នៅរបស់ប្រជាពលរដ្ឋ ទូទាំងប្រទេស កម្ពុជា។


បើតាមប្រសាសន៍របស់ ឯកឧត្ដមបណ្ឌិត អ៊ាង សុផល្លែត ពិព័រណ៍និងចែកកូនឈើ «ពន្លកបៃតង» គឺព្រឹត្តិការណ៍ជាប្រវត្តិសាស្ត្រ រៀ បចំឡើងស្របតាមយុទ្ធសាស្ត្រចក្រាវិស័យបរិស្ថាន ក្នុងគោលបំ ណងប្រែក្លាយសក្តានុពលវិស័យបរិស្ថាន ឱ្យទៅជាឧត្តមប្រយោ ជន៍ពិតជាក់ស្តែង សម្រាប់ប្រទេសជាតិ និងប្រជាជនកម្ពុជាគ្រប់ជំនាន់។

ក្នុងឱកាសនេះ ឯកឧត្តមបណ្ឌិតរដ្ឋមន្រ្តី បានបញ្ជាក់ថា កម្ពុជាបាននឹងកំពុង តែមានភាពល្អប្រសើរ និងទទួលបានជោគជ័យ លើការកាត់បន្ថយប្រើប្រាស់ប្លាស្ទិក ដោយមានអ្នកចូលរួមចំនួនជាង ៨ លាន/អង្គនាក់ បានបេ្ដជ្ញា«ថ្ងៃនេះ ខ្ញុំមិនប្រើថង់ប្លាស្ទិក» បើគិតចាប់ពីថ្ងៃទី០១ ខែកញ្ញា ឆ្នាំ២០២៣ មកដល់ពេលបច្ចុប្បន្ននេះ។ ឯកឧត្ដមបណ្ឌិត អ៊ាង សុផល្លែត បានបង្ហាញនូវសុទិដ្ឋិនិយមថា ពិព័រណ៍និងចែកកូនឈើ «ពន្លកបៃតង» នឹងសម្រេចបានជោគជ័យបន្ថែមទៀត សម្រាប់«ធានាចីរភាពនៃការអភិវឌ្ឍសង្គម សេដ្ឋកិច្ច និងកសាងភាពធន់ទៅនឹងការប្រែប្រួលអាកាសធាតុ»។

លើសពីនេះដែរ ឯកឧត្តមបណ្ឌិតរដ្ឋមន្រ្តី បានប្រកាសដាំស្តារព្រៃ រាប់ពាន់ហិកតា ដែលដកហូតបានកាលពីពេលថ្មីៗកន្លងមកនេះ ពីសំណាក់ជនខិលខូច លួចកាប់ ទន្រ្ទានដីរដ្ឋក្នុងតំបន់ការពារធម្មជាតិ ក្នុងរដូវស្សារនាពេលខាងនេះ។

ឯកឧត្តមបណ្ឌិត អ៊ាង សុផល្លែត បានថ្លែងផងដែរថា ថ្នាក់ដឹកនាំ និងមន្រ្តីរាជការគ្រប់ថ្នាក់ នៃក្រសួងបរិស្ថាន បេ្តជ្ញាចិត្តខ្ពស់ និងមានផែនការយុទ្ធសាស្ត្រច្បាស់លាស់ ក្រោមការចង្អុលបង្ហាញដោយផ្ទាល់សម្តេចធិបតី ហ៊ុន ម៉ាណែត ដើម្បីឆ្លើយតបទៅនឹងការប្រែប្រួលអាកាសធាតុ និងលើកកម្ពស់សេដ្ឋកិច្ចបៃតង និងលើក ជំរុញសម្រេចគោលដៅកម្ពុជា «ជាប្រទេសអព្យាក្រិតកាបូន និងមានគម្របព្រៃឈើ៦០% នៅឆ្នាំ២០៥០»៕ រាយការណ៍ដោយ លោក ម៉ែន បូរិទ្ធ  អ្នកយកព័ត៌មាន RDN MEDIA NEWS ទំនាក់ទំនងការផ្សាយ WhatsApp.Telegram.011 83 47 47.097 444 88 97











Wednesday, May 15, 2024

ល្មមដល់ពេលរដ្ឋាភិបាលអាណត្តិទី៧ ដាក់មន្ត្រីជំនាញចុះស្រាវជ្រាវ ប្រធានអានុប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ៥ ស្ថិតនៅចំណុចក្រុងពោធិ៍សាត់ ប្រព្រឹត្តអំពើពុករលួយ តាមរបៀបជិះសេះលែងដៃ

អ្នកទស្សនា: Views

 



ខេត្តពោធិ៍សាត់  ÷ ប្រភពពីក្រុមឈ្មួញដឹកជញ្ជួនទំនិញតាមរថយន្តខ្នាតយក្សធ្វើចរាចរណ៍ ជារៀងរាល់ថ្ងៃយប់ បានដោយរលូន ដែលគេអះ អាងថាសុទ្ធតែបង់លុយមុនឲ្យមន្រ្តីស្ថានីយ៍ជញ្ជីងថ្លឹងរថយន្ត ផ្លូវជាតិលេខ៥ ក្រុងពោធិ៍សាត់ គឺក្រុមមន្ត្រីអាចរកចំណូលលើតុ ក្រោមតុ សម្រាប់ចែកគ្នាដាក់ហោប៉ាវធ្វើមានបានយ៉ាងសុខស្រួលបំផុត។


ក្រុមអាជីវករតូចតាចដឹកទំនិញ ឆ្លងកាត់លេីស្ថានីយ៍ជញ្ជីងផ្លូវជាតិលេខ៥ ក្រុងពោធិ៍សាត់ បានធ្វើការរិះគន់ដល់មន្រ្តីដែលប្រចាំការនៅលើស្ថានីយ៍ជញ្ជីងផ្លូវជាតិលេខ៥ មិនបានយកចិត្តទុកដាក់នៅក្នុងការផាកពិន័យ ឬមានវិធានការផ្លូវច្បាប់ទៅលើរថយន្ត ដឹកលេីសទម្ងន់ឬល្មើសច្បាប់នោះទេ គឺពួកមន្ត្រីទាំងនោះបេីក។


ជាការពិតជារៀងរាល់យប់ថ្ងៃ គេតែងតែសង្កេត ឃើញតៃកុងឡានឬព្រូលចុះបង់លុយ រួចបើកបន្តទៅមុខយ៉ាងរលូន ទោះបីដឹកផ្ទុកលើសទម្ងន់កំណត់ក៏ដោយ រីឯរថយន្តខ្លះទៀត គ្រាន់ តែវាយភ្លើងសញ្ញ ជាសញ្ញា បក្សពួកគេខាងស្ថានីយ៍ឲ្យដឹងរថយន្ត បន្តដំណើរមិន ឈប់ចូលជញ្ជីងថ្លឹងក៍បាន។


មជ្ឈដ្ឋានខាងក្រៅឃើញ សកម្មភាពរបស់កម្លាំងចម្រុះ ក្រោមការគ្រប់គ្រងរបស់មន្ត្រីសាធារណការនិង ដឹកជញ្ជូនមិនបានធ្វើការងារអ្វីក្រៅពីប្រមូលលុយពីរថយន្ត ដឹកដី ដឹកថ្ម ដឹកខ្សាច់ និងដឹកទំនិញគ្រប់ប្រភេទ ឆ្លងកាត់ស្ថានីយ៍ជញ្ជីងថ្លឹងរថយន្ត  ផ្លូវជាតិលេខ៥ ក្រុងពោធិ៍សាត់ នោះទេ។


ប្រភពបានបន្តថា បើសិនលុយដែលបានមកពីការប្រមូលពីរថយន្តឆ្លងកាត់ស្ថានីយ៍ ជញ្ជីងថ្លឹងរថយន្ត ផ្លូវជាតិលេខ.៥ នេះចូលក្នុងថវិការដ្ឋមិនអីនោះទេ ប៉ុន្តែត្រូវបានគេសង្ស័យចូលក្នុងហោប៉ាវ ក្រុមមន្ត្រី ពុក រលួយច្រើនជាង ដែលនាំឲ្យរដ្ឋបាត់បង់ចំណូល រាប់ម៉ឺនដុល្លារ នៅក្នុងមួយខែៗ។


តាមប្រភពច្បាស់ការណ៍បានបង្ហើបឲ្យដឹងថា ក្នុងមួយថ្ងៃៗប្រាក់ចំណូលពី រថយន្ត ដឹកទំនិញ ដឹកថ្ម ដឹ កខ្សាច់ ដឹកដី ដែលឆ្លងកាត់ស្ថានីយ៍ជញ្ជីង ផ្លូវជាតិលេខ៥ ក្រុងពោធិ៍សាត់បានបង់លុយជូនក្រុមមន្ត្រីដែលឈរជើងកន្លែងជញ្ជីងថ្លឹងរថយន្តមិនអាចរំលងមួយគ្រឿងណាឡើយ ។


ដោយឡែកប្រធានមន្ទីរសាធារណការ និងដឹកជញ្ជូន ខេត្តពោធិ៍សាត់ លោក កាង ប៉េងហាក់ ជាអ្នកបេីកដៃឲ្យក្រុមមន្រ្តីស្ថានីយ៍ជញ្ជួីងផ្លូវជាតិលេខ៥ ធ្វេីអ្វីៗតាមអំពេីចិត្ត ទេីប។


ឈ្មួញនឹងអាជីវករដឹកជញ្ជូនទំនិញឆ្លងកាត់ផ្លូវ ជាតិលេខ៥ ក្រុងពោធិសាត់ បានស្នើសុំដល់លោក ប៉េង ពោធិ៍នា រដ្ឋមន្ត្រីក្រសួងសាធារណការនិង ដឹកជញ្ជូនក៏ដូចលោក សេង ឈួន មេជញ្ជីងថ្លឹងរថយន្ត ទូទាំ ងប្រទេស ពិនិត្យមើលទង្វើមិនប្រក្រតី និងអំពើពុករលួយ របស់លោក ឆាំ ហាវ ប្រធានស្ថានីយ៍ជញ្ជីងថ្លឹ ងរថយន្ត ផ្លូវជាតិលេខ៥ក្រុងពោធិ៍សាត់ ជាបន្ទាន់ផង។


ក្រុមឈ្មួញ និងអាជីវករ បានលើកឡើងថា ក្រុមមន្ត្រីប្រចាំការស្ថានីយ៍ជញ្ជីងថ្លឹងរថយន្ត ផ្លូវជាតិលេខ .៥ មិនអនុវត្តឲ្យ បានត្រឹមត្រូវ តាមបទដ្ឋានចេកទេស ដើម្បីទប់ស្កាត់ រថយន្តដឹកទំនិញលើសទម្ងន់ ដែ លធ្វើឲ្យខូចផ្លូវ និងខូចស្ពាននោះ ផ្ទុយទៅវិញ លោក ឆាំ ហាវ ប្រធានស្ថានីយ៍ជញ្ជីងថ្លឹងរថយន្តប្រែក្លាយទៅជាជញ្ជីងថ្លឹងលុយ ដោយសារតែ អាងលោក កាង ប៉េងហាក់ ប្រធាន មន្ទីរ សាធារណការនិងដឹកជញ្ជូន ខេត្តពោធិ៍សាត់ ខ្នងបង្អែកយ៉ាងរឹងមាំ។













Monday, May 13, 2024

លក្ខណៈពិសេស ១០យ៉ាងដែលនឹងមាននៅលើ iPhone 17 ឆ្នាំក្រោយ

អ្នកទស្សនា: Views

 

(បរទេស)៖ ថ្មីៗនេះ មានពាក្យចចាមអារ៉ាមជាច្រើនអំពីត្រកូល iPhone 17 របស់ក្រុមហ៊ុនយក្ស Apple ដែលត្រៀមនឹងចេញលក់នៅឆ្នាំ២០២៥ ខាងមុខ ជាមួយនឹងរូបរាង មុខងារ នឹងការកែលម្អលក្ខណៈពិសេសជាច្រើនមិនធ្លាប់មិន ខណៈ iPhone 16 នៅឆ្នាំនេះហាក់មិនទទួលបានដំណឹងអ្វីពិសេសនោះទេ។ នេះបើយោងតាមការចេញផ្សាយដោយ MacRumors។



មកដឹងពីលក្ខណៈពិសេសនៅលើ iPhone 17 ដែលរំពឹងថា នឹងចេញនៅខែកញ្ញា ឆ្នាំ២០២៥ ដែលអ្នកប្រើប្រាស់អាចពិចារណា ថាតើគូរតែសម្រេចចិត្តទិញ iPhone 16 ឆ្នាំនេះ ឬគួរតែរង់ចាំដល់ឆ្នាំក្រោយ? ខាងក្រោមនេះ ជាលក្ខណៈពិសេសទាំង ១០ដែលគេរំពឹងថានឹងមកដល់ក្នុងត្រកូល iPhone 17៖

1. Face ID បង្កប់ក្រោមអេក្រង់ (Under-Display Face ID) iPhone 17 Pro និង iPhone 17 Pro Max ត្រូវបានគេរំពឹងថា នឹងក្លាយជា iPhone ដំបូងគេដែលបំពាក់បច្ចេកវិទ្យា Face ID នៅក្រោមអេក្រង់។ តាមរយៈការចង្អុលបង្ហាញនៃបច្ចេកវិទ្យា Face ID ក្រោមអេក្រង់នេះ ទំនងជា Apple កាត់បន្ថយទំហំ Dynamic Island និងកាត់ត្រឹមតែជារង្វង់សម្រាប់ដាក់កាមេរ៉ាខាងមុខតែប៉ុណ្ណោះ។ នេះប្រហែលជាម៉ូដែលទំនើបចុងក្រោយរបស់ Apple ដែលរួមបញ្ចូលការកាត់រង្វង់សម្រាប់កាមេរ៉ា ដោយឡែករហូតដល់ឆ្នាំ២០២៧ ត្រូវបានគេរំពឹងថា ម៉ូដែល «Pro និង Pro Max» នឹងចេញមកជាមួយអេក្រង់លាត ខណៈកាមេរ៉ា ក៏ត្រូវបានរុញទៅក្នុងអេក្រង់ផងដែរ។

2. ទំហំអេក្រង់ សម្រាប់ iPhone 16 Pro និង iPhone 16 Pro Max នៅឆ្នាំនេះ មានពាក្យចចាមអារ៉ាមថា នឹងទទួលបានអេក្រង់ធំជាងមុន ចាប់ពីទំហំ ៦.១២អ៊ីញ និង ៦.៦៩អ៊ីញ ទៅ ៦.២៧អ៊ីញ និង ៦.៨៦អ៊ីញរៀងគ្នា។ ដោយឡែកចំពោះ iPhone 17 វិញត្រូវបានគេរំពឹងថា Apple នឹងនាំយកអេក្រង់ទំហំ ៦.២៧អ៊ីញទៅ iPhone 17 ធម្មតា ខណៈដែលម៉ូដែល iPhone 17 Plus នឹងត្រូវបានកែប្រែបំពាក់អេក្រង់ថ្មីទាំងស្រុង។ តែចំពោះ iPhone 17 Pro និង Pro Max មិនត្រូវបានបង្ហាញនោះទេ។

3. កម្រិត refresh-rate ក្រុមហ៊ុន Apple គ្រោងនឹងពង្រីកបច្ចេកវិទ្យា ProMotion ទៅកាន់ម៉ូដែល iPhone ស្តង់ដារ (iPhone 17 និង iPhone 17 Plus) របស់ខ្លួននៅឆ្នាំ ២០២៥ ដែលអនុញ្ញាតឱ្យម៉ូដែលទាំងពីរនេះ ដំណើរការក្នុងកម្រិត refresh rate ខ្ពស់រហូតដល់ទៅ 120Hz សម្រាប់ការរំកិល (scroll) និងទស្សនាវីដេអូកាន់តែច្បាស់ជាងមុន។ លើសពីនេះ បច្ចេកវិទ្យានេះនឹងអនុញ្ញាតឱ្យ iPhone 17 និង iPhone 17 Plus បង្កើនពន្លឺ ឬភាពច្បាស់ជាងមុនបានដល់ទៅ 1Hz និងអាចបើកបង្ហាញ ម៉ោងរោទិ៍ ផ្ទាំងរូបភាព និង ការជូនដំណឹងផ្សេងៗបើទោះជាអេក្រង់កំពុងជាប់សោក៏ដោយ។

4. បន្ទះឈីប ម៉ូដែល Premium (iPhone 17 Pro/ Pro Max) របស់ Apple ត្រូវបានគេរំពឹងថា នឹងបំពាក់ដោយបន្ទះឈីប Wi-Fi 7 ដែលរចនាឡើងដោយ Apple ជាលើកដំបូង។ ការគាំទ្រ Wi-Fi 7 នេះនឹងធ្វើឱ្យធ្វើការផ្ញើ និងទទួលទិន្នន័យបានរហ័សជាងមុនទ្វេដង មិនត្រឹមតែប៉ុណ្ណោះ ក៏នឹងអនុញ្ញាតឱ្យ Apple កាត់បន្ថយការពឹងផ្អែកលើអ្នកផ្គត់ផ្គង់ខាងក្រៅដូចជា Broadcom ដែលបច្ចុប្បន្នផ្គត់ផ្គង់ Apple ជាមួយនឹងបន្ទះឈីប Wi-Fi និង Bluetooth រួមបញ្ចូលគ្នាផងដែរ។ ដោយឡែកចំពោះ iPhone 17 និង 17 Plus មិនទទួលបានការផ្លាស់ប្តូរនោះទេ។

5. កាមេរ៉ាក្រោយ ការកែប្រែនេះ នឹងមានសម្រាប់តែ iPhone 17 Pro Max តែមួយប៉ុណ្ណោះ ដែលទទួលបានការដំឡើងកាមេរ៉ាខាងក្រោយដល់ទៅទំហំ ៤៨មេហ្គាភិចស៊ែទាំងអស់។ ពោលគឺ កាមេរ៉ាគោលមានទំហំ ៤៨មេហ្គាភិចស៊ែ, ៤៨មេហ្គាភិចស៊ែ ultra wide និង ៤៨មេហ្គាភិចស៊ែ telephoto lenses។ ខណៈ iPhone 15 ប្ចុច្បន្នមានកាមេរ៉ាគោលទំហ ៤៨មេហ្គាភិចស៊ែ ១២មេហ្គាភិចស៊ែ ultra wide និង ១២មេហ្គាភិចស៊ែ telephoto lenses។

6. កាមេរ៉ាមុខ យោងតាមពាក្យចចាមអារ៉ាមមួយបានឱ្យដឹងថា ត្រកូល iPhone 17 ទាំង ៤ម៉ូដែល នឹងបំពាក់ដោយកាមេរ៉ាមុខទំហំ ២៤មេហ្គាភិចស៊ែ រួមជាមួយ lens ៦ស្រទាប់។ ខណៈដែលត្រកូល iPhone 14 និង iPhone 15 មានកាមេរ៉ាមុខទំហំ ១២មេហ្គាភិចស៊ែ និងមានត្រឹមតែ lens ៥ស្រទាប់ ហើយត្រកូល iPhone 16 នៅឆ្នាំនេះ ត្រូវបានគេរំពឹងថា នឹងមានដូចទៅនឹងម៉ូដែលមុនៗ។

7. អេក្រង់ ធន់ជាងមុន សម្រាប់ iPhone 17 ទាំង ៤ម៉ូដែលត្រូវបានគេឱ្យដឹងថា នឹងបំពាក់ដោយអេក្រង់ដែលធន់ជាងមុន ឬភាសាអង់គ្លេសហៅ ថា anti-reflective display ដែលវាមានសមត្ថភាពធន់នឹងការឆ្កូតជាង បើធៀបនឹងកញ្ចក់ Ceramic Shield ដែលមាននៅលើម៉ូដែល iPhone 15 Pro Max បច្ចុប្បន្ន។ តាមពាក្យចចាមអារ៉ាមបានអះអាងថា កញ្ចក់ខាងក្រៅនៅលើ iPhone 17 មានស្រទាប់ការពារក្រាស់ជាងមុន « super-hard anti-reflective layer» និងធន់នឹងការឆ្កូតជាងមុន «more scratch-resistant»។ តែយ៉ាងណាវានៅមិនទាន់ច្បាស់នៅឡើយទេថាតើ Apple នឹងយក Gorilla Glass Armor ដែល Samsung ប្រើនៅក្នុង Galaxy S24 Ultra ឬអត់ ប៉ុន្តែបើតាមការពិពណ៌នារបស់ Corning ក្រុមហ៊ុន Apple ហាក់បីជាកំពុងពិចារណាលើវា។

8.


RDN News, [13/05/2024 15:33]

ទំហំផ្ទុក

លោក Jeff Pu នៃក្រុមហ៊ុនវិនិយោគ Haitong បាននិយាយថា ម៉ូដែល Pro និង Pro Max របស់ Apple នៅឆ្នាំក្រោយនឹងមកជាមួយ RAM ទំហំ ១២ជីហ្គាបៃ។ សម្រាប់ការប្រៀបធៀបម៉ូដែល iPhone 15 Pro មាន RAM ៨ជីហ្គាបៃ ខណៈពេលដែលម៉ូដែល iPhone 16 Pro ត្រូវបានគេរំពឹងថានឹងមាន RAM ៨ជីហ្គាបៃផងដែរ។ ការបង្កើនទំហំផ្ទុក RAM ច្រើនបែបនេះនៅលើ iPhone 17 Pro/ Pro Max ទំនងជាគោលបំណងដ៏ធំរបស់ Apple គឹសម្រាប់គាំទ្រទៅនឹងបញ្ញាសិប្បនិម្មិត AI ខណៈពេលបច្ចុប្បន្ន Apple កំពុងដុតដៃដុតជើងលើផ្នែកនេះ។

9. ទំហំ Dynamic Island

លោក Jeff Pu បានឱ្យដឹងនៅដើមសប្តាហ៍នេះថា iPhone 17 Pro Max នឹងត្រូវបានបង្រួមទំហំ Dynamic Island តូចជាងមុន ទាំងនេះក៏ដោយសារតែ Apple កំពុងតែសម្លឹងមើលបច្ចេកវិទ្យានឹងនាំយកមុខងារ Face ID បង្កប់នៅក្នុងអេក្រង់។ ផ្នែកនេះ ត្រូវបានគេសន្មតថា ជាលើកទី១ ហើយដែល Apple សម្រេចផ្លាស់ប្តូរទំហំ Dynamic Island ចាប់តាំងពីវាបានបង្ហាញខ្លួននៅលើ iPhone 14 Pro ក្នុងឆ្នាំ២០២២។

10. iPhone 17 «Slim»

យោងតាមរបាយការណ៍ពីលោក Jeff Pu ដដែលបានឱ្យដឹងទៀតថា សម្រាប់ iPhone ឆ្នាំ២០២៥ នឹងមិនមានវត្តមាន iPhone 17 Plus នោះទេ ដោយ Apple នឹងលុបឈ្មោះម៉ូដែលនេះចោល ដោយប្តូរទៅប្រើឈ្មោះ «Slim» ជំនួសវិញ ពោលគឺ iPhone 17 Slim។ ខណៈដែល អេក្រង់នឹងតួខ្លួនក៏ត្រូវបានគេរំពឹងថា នឹងកែប្រែផងដែរ។

គួរជម្រាបថា ខាងលើនេះគឺជា លក្ខណៈពិសេសដែលនឹងមាននៅលើ iPhone 17 ឆ្នាំក្រោយ ដូច្នេះតើប្រិយមិត្តយល់យ៉ាងណាដែរ គួរតែរង់ចាំដល់ iPhone 17 ចេញលក់ជាផ្លូវការ ឬ នៅតែបន្តទិញ iPhone 16 ឆ្នាំនេះ ខណៈរបាយការណ៍ជាច្រើនមិនបានបង្ហាញពីការផ្លាស់ប្តូរ និងមុខងារ AI ដែលអាចនឹងមកដល់ក្នុងឆ្នាំនេះនោះទេ៕  ប្រភព freshness









ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានចុះហត្ថលេខាស្ដីពីការប្រគល់-ទទួល សត្វដំរី មួយគូ ដែលជាអំណោយរបស់រដ្ឋាភិបាលឡាវ ជូនមកកម្ពុជា

អ្នកទស្សនា: Views


តាកែវ
ព្រឹកថ្ងៃ១២ ខែឧសភា ឆ្នាំ២០២៤ នៅឧទ្យានសួនសត្វ ព្រៃការពារ និងសួនភូតគាម “ភ្នំតាម៉ៅ”ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៃព្រះរាជាណាចក្រកម្ពុជា និងឯកឧត្ត ម Linkham DOUANGSAVANH រដ្ឋមន្ត្រីក្រសួងកសិកម្ម និងព្រៃឈើ នៃសាធារណរដ្ឋប្រជាធិបតេយ្យប្រជាមានិតឡាវ អញ្ជើញជាអធិបតី និងចុះហត្ថលេខា ស្តីពីការប្រគល់ និងទទួល សត្វដំរី មួយគូ ដែលជាអំ ណោ យរបស់រដ្ឋាភិបាលឡាវ ជូនមកកម្ពុជា នា ស្ថិតនៅស្រុកបាទី ខេត្តតាកែវ។








Friday, May 10, 2024

ពលរដ្ឋសម្ដែងការមិនពេញចិត្តចំពោះលោក អធិកាស្រុកកោះធំ ដែលអនុញ្ញាតឲ្យក្រុមហ៊ុនមាន់ជល់តាមប្រព័ន្ធអនឡាញ បើកដំណើរការបានដោយរលូន ភូមិកំពុងសំបួរ ឃុំព្រែកថ្មី ក្នុងស្រុកកោះធំ។

អ្នកទស្សនា: Views


កណ្តាល : យោងតាមការបញ្ចេញមតិរបស់ប្រជាពលរដ្ឋបានឲ្យដឹងថា មានទីតាំងល្បែងសុីសងតាមប្រព័ន្អអនឡាញមួយកន្លែង ក្នុង
ភូមិកំពុងសំបួរ ឃុំព្រែកថ្មី ក្នុងស្រុកកោះធំ ខេត្តកណ្តាល ដំណើការបានដោយរលូន។

ស្ដ្រីខ្លះដែលមានប្ដីជាអ្នកញៀនល្បែង បានលើកឡើងថា គាត់កើតចិត្តក្ដៅក្រហាយឈ្លោះប្រកែកគ្នាជាមួយប្ដីញឹកញាប់ដោយសារតែល្បែងទាំងនេះខណៈប្ដីទៅហូបកាហ្វេ១កែវសោះបែរជាមិនមកផ្ទះតាំងពីព្រឹកដល់ល្ងាចដោយរវល់វក់វី និងការផ្សងសំណាងភ្នាល់ចាក់លុយ មាន់ជល់អនឡាញតាមទូរទស្សន៍នេះ បណ្ដាលឱ្យខាតពេលមិនបានទៅធ្វើការងាររកស៊ីដើម្បីផ្គត់ផ្គង់គ្រួសារទេ។

ជាមួយគ្នានោះអ្នកឈ្នះសប្បាយហ៊ោកញ្ច្រៀវឡើងទ្រហឹងអឺងកង ពេញហាងកាហ្វេនិងតារាងបាល់។

រីឯអ្នកចាញ់វិញប្រែទឹកមុខក្រៀមក្រំប្រឈមជំពាក់គេនិងត្រូវដោះបំណុលទៀតផង។

អ្នកខ្លះភ្នាល់ចាញ់ផ្ទួនៗជាច្រើនថ្ងៃជាប់ គ្នាកើតអារម្មណ៍មួម៉ៅក្រពុលមុខមកផ្ទះ វិញឈ្លោះប្រកែកប្រ ពន្ធ​កូន និងប្រើអំពើហិង្សាក្នុងគ្រួសារក៍មាន។

យើងដឹងហើយថាៈ អ្នកលេងល្បែងពេលឈ្នះមុខខ្លាញ់ ពេលចាញ់មុខខ្លា បើចាញ់ច្រើនកាលណា អ្វីៗក៍ហ៊ានធ្វើ អាចកើតជាអំពើចោរលួច ចោរប្លន់ និងអំពើអសន្តិសុខក្នុងមូលដ្ឋានជាដើម។ល។

ហេតុនេះពលរដ្ឋ សូមស្នើដល់ ស្នងការនគរបាលខេត្តកណ្តាល មេត្តាចាត់កម្លាំងជំនាញចុះបង្ក្រាបទីតាំងល្បែងសុីសង តាមប្រព័ន្ធអនឡាញ ក្នុងភូមិសាស្ត្រខាងលើនេះ ដោយក្ដីអនុគ្រោះ ដើម្បីអនុវត្តឲ្យបាននូវគោលនយោបាយភូមិ-ឃុំ មានសុវត្ថិភាព..!។ 

ទោះជាយ៉ាងណាក្ដី អ្នកដែលមានប្ដីជាអ្នកញៀនល្បែង សង្ឃឹមថាសមត្ថកិច្ចនឹងបង្ក្រាបល្បែងសុីសងមាន់ជល់អនឡាញ តាមទូរទស្សន៍នេះ មិនខានឡើយ

ដើម្បីកុំឱ្យល្បែងអនឡាញទាំងនេះបង្វែរស្មារតីពលរដ្ឋឱ្យភ្លេចការងារហើយវក់វីប្រមូលលុយមកភ្នាល់ផ្ស ងសំណាង។ខណៈថៅកែដែលជាអ្នកបើកល្បែង”អនឡាញ”ចាំទទួលផលស្រាប់ៗ យ៉ាងច្រើនសន្ធឹកសន្ធា ប់៕





Wednesday, May 8, 2024

លិខិតជូនដំណឹងជាសាធារណ:.....

អ្នកទស្សនា: Views

ក្រចេះ÷ ស្ដីអំពីការបញ្ជូនតាមការផ្សាយជាសាធារណ: របស់លោក កែវ វណ្ណ: ក្រឡាបញ្ជីនៃសាលាឧទ្ធរណ៍ភ្នំពេញ។


#បានឃេីញ មាត្រា២៤៦.២៥៥.២៥៦និងមាត្រា២៥៧នៃក្រមនីតិវិធីរដ្ឋប្បវេណីនៃព្រះរាជាណាចក្រកម្ពុជា ដែលប្រកាសឲ្យប្រេីតាមព្រះរាជក្រមលេខ: នស/រកម/០៧០៦/០២១ ចុះថ្ងៃទី០៦.០៧.២ ០០៦។

#បានឃេីញ សំណុំរឿងរដ្ឋប្បវេណីលេខ÷ ៥៩៧ ចុះថ្ងៃទី១៧.១ ០.២០១៩ របស់សាលាឧទ្ធរណ៍ភ្នំពេញ។

#បានឃេីញ សាលដីការដ្ឋប្បវេណីលេខ÷ ៣៦ក្រ.V.II.ស.អ. ចុះថ្ងៃទី០៦.១១.២០២៣ របស់សាលាឧទ្ធរណ៍ភ្នំ ពេញ។

#បានឃេីញ ដីកាសម្រេចអំពីការបញ្ជូនតាមការផ្សាយជាសាធារ ណ:លេខ÷ ២៣/២៤ ចុះថ្ងៃទី២៩.០៤.២០២៤ របស់សាលាឧទ្ធរណ៍ភ្នំពេញ។

#សូមជូនដំណឹងមក ឈ្មោះ លឹម សៀងហាក់ ភេទប្រុស អាយុ៣ ០ឆ្នាំ អាសយដ្ឋានភូមិរកាធំ ឃុំជ្រោយប ន្ទាយ ស្រុកព្រែកប្រសព្វ ខេត្តក្រចេះ ជាសហចុងចម្លេីយនៃសំណុំរឿងខាងលេី ឲ្យបានជ្រា បថា÷ សាលាឧទ្ធរណ៍ភ្នំពេញបានចេញសាលដីការដ្ឋប្បវេណីលេ ខ: ៣៦.ក្រ.VII.ស.អ.ចុះថ្ងៃទី០៦.១១.២០២៣និងបានសម្រេចធ្វេីការបញ្ជូនតាមការផ្សាយជាសាធារណ:លេីសាលដីកាខាងលេីដោយហេតុថាមិនអាចធ្វេីការបញ្ជូនតាមមាត្រា២៥១.២៥២នៃក្រមនីតិវិធីរដ្ឋប្បវេណីបានឡេីយ។

. ការបញ្ជូនសាលដីកាតាមការផ្សាយជាសាធារណ:នេះ ធ្វេីឡេីងតាមវិធី÷ បិទផ្សាយលិខិតជូនដំណឹងអំពីការបញ្ជូនតាមការផ្សាយជាសាធារណ:នេះនៅបញ្ចរសម្រាប់បិទប្រកាសរបស់សាលាឧទ្ធរណ៍ ភ្នំពេញនិងចុះផ្សាយលិខិតជូនដំណឹងនេះនៅលេីទំព័រហ្វេស ប៊ុកផ្លូវការរបស់សាលាឧទ្ធរណ៍និងមហាអយ្យការអមសាលាឧទ្ធរ ណ៍ភ្នំពេញ។

អាស្រ័យហេតុនេះ សូមឈ្មោះ លឹម សៀងហាក់ ភេទប្រុស អាយុ ៣០ឆ្នាំ អញ្ជេីញមកទទួលអនុសារសាលដីកាខាងលេីនេះនៅសា លាឧទ្ធរណ៍ភ្នំពេញ នៅរៀងរាល់ម៉ោងនៃថ្ងៃធ្វេីការ។

រាយការណ៍ដោយ លោក ម៉ែន បូរិទ្ធ អ្នកយកព័ត៌មាន RDN MEDIA NEWS ទំនាក់ទំនងការផ្សាយ WhatsApp.Telegram.011.83.47.47.097.444.88.97

វឌ្ឍនភាពគម្រោងលើកកម្រិតគុណភាព និងជួសជុលថែទាំផ្លូវចំនួន ០២ខែ្ស​ នៅខេត្តក្រចេះ​ សម្រេចការសាងសង់​បានប្រមាណ ៥៣%​ គិតត្រឹមខែឧសភាឆ្នាំ២០២៤:

អ្នកទស្សនា: Views

ក្រចេះ÷ គម្រោងលើកកម្រិតគុណភាព និងជួសជុលថែទាំផ្លូវខេត្តសំខាន់ៗ​ចំនួន ០២ខែ្ស ដែលមានប្រវែងសរុបជិត ៤៩គ.ម ក្នុងខេត្តក្រចេះ សម្រេចការសាងសង់បាន ប្រមាណ ៥៣% ហើយ​ គិតត្រឹមថ្ងៃទី៨​ ខែឧសភា​ ២០២៤នេះ​។   ផ្លូវខេត្តដ៏សំខាន់ ២ខ្សែនេះ ស្ថិតក្នុងខេត្តក្រចេះ រួមមានផ្លូវខេត្តលេខ៣៧៧ មានប្រវែង ៣៥.៥គីឡូម៉ែត្រ គិតចាប់ពីរង្វង់មូលព្រាប«ស» (ក្រុងក្រចេះ) ដ ល់ស្រុកសំបូរ និងផ្លូវលេខ៣៧៧A មានប្រវែង ១៣,៦គីឡូម៉ែត្រ គិតចាប់ពីផ្សារសណ្តាន់ ដល់ភូមិសង្គម ឃុំសណ្តាន់ នៃស្រុកសំបូរ។


ផ្លូវទាំងនេះគឺជាផ្នែកមួយដ៏សំខាន់ សម្រាប់បម្រើដល់ វិស័យទេ សចរណ៍ និងវិស័យដឹកជញ្ជូន ជាពិសេសអាចធ្វើដំណើរទៅកាន់រមណីយដ្ឋានជាច្រើន តាមបណ្ដោយដងទន្លេមេគង្គត្រើយខាងកើត មានដូចជា៖តំបន់ទេសចរណ៍ភ្នំសបុក​ រម្មណីយដ្ឋានអន្លង់ផ្សោតកាំពី, រមណីយដ្ឋានទឹកជួរកាំពី ,ព្រះធំវិហារសសរ ១០០ , និងសហគមន៍ទេសចរណ៍កោះ ៣០ ជាដេីម​ និងបង្កភាពងាយស្រួលដល់ប្រជាពលរដ្ឋក្នុងការដឹកជញ្ជូនទំនិញ និងកសិផល​ទៅកាន់ទីផ្សារនិងតំបន់ផ្សេងៗ បានលឿនជាមុន។

សូមបញ្ជាក់ថា ផ្លូវ២ខ្សែនេះ ត្រូវបានបើកការដ្ឋានសាងសង់ កាល ពីថ្ងៃទី៤ ខែមេសា ឆ្នាំ២០២៣ ជាគម្រោងស្តារឡើងវិញដោយពង្រី ក និងលើកកម្រិតគុណភាពជាប្រភេទផ្លូវកម្រាលបេតុងកៅស៊ូ (A C) កម្រាស់៥សង់ទីម៉ែត្រ និងក្រាលបេតុងសរសៃដែក កម្រាស់ ២ ០សង់ទីម៉ែត្រ មានទទឹងចាប់ពី ៧​ ដល់​ ១១ម៉ែត្រ មាន២គន្លងទៅ មក ព្រមទាំងការសាងសង់ស្ពានថ្មីចំនួន ៩កន្លែង (នៅលើផ្លូវខេត្ត លេខ៣៧៧)​ ដោយក្រុមហ៊ុន Poly Changda Engine ering Co., Ltd ស្ថិតក្រោមក្របខ័ណ្ឌឥណទានសម្បទានរបស់ធនាគារពិភពលោក (RCIP)៕ រាយការណ៍ដោយ លោក ម៉ែន បូរិទ្ធ អ្នកយកព័ត៌មាន RDN MEDIA NEWS ទំនាក់ទំនងការផ្សាយ WhatsApp.Telegram.011.83.47.47.097.444.88.97