លោក គង់ សុភាព ប្រធានស្ថានីយជញ្ជីងថ្លឹងរថយន្ត ថ្នល់ទទឹងកំពុងសប្បាយកើបលុយពីក្រុមឈ្មួញឡាន ដឹកទំនិញលើសទម្ងន់

ខេត្តត្បូងឃ្មុំ : ប្រភពស្និទ្ធនឹង លោក គង់ សុភាព ប្រធានស្ថានីយជញ្ជីងថ្លឹងរថយន្ត ថ្នល់ទទឹងនៅត្រង់ចំណុចបង្គោលគីឡូ លេខ 137  ត្រូវបានគេអោយដឹងថា ស្ថានីយជញ្ជីងថ្លឹងរថយន្ត នេះប្រែក្លាយទៅជាជញ្ជីងថ្លឹង លុយយ៉ាងរលូន ជារៀងរាល់ថ្ងៃ ដោយាសារ លោក គង់ សុភាព  យកអំណាចមន្ទីរសាធារណការខេត្តត្បូងឃ្មុំ ដើម្បីបិទបាំងទង្វើមិនប្រក្រតីនិងអំពើពុករលួយរបស់ខ្លួនយ៉ាងសុខស្រួលទៀតផង។

ប្រភពព័ត៌មានពីក្រុមឈ្មួញនិងអាជីវករដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្ត ខ្នល់ទទឹងនៅត្រង់ចំណុច បង្គោលគីឡូ លេខ 137 ស្ថិតនៅក្នុងភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ

 បានឲ្យដឹងថា ពួកគេត្រូវបង់លុយតាមការកំណត់របស់ប្រធានស្ថានីយ៍ជញ្ជីងថ្លឹងរថយន្តនិងបក្ខពួកដែរ។

 ចំណែករថយន្តធំៗសណ្តោងកន្ទុយ សណ្តោងរ៉ឺម៉កផ្ទុកលើសទម្ងន់ ក៏អាចបើកបរឆ្លងកាត់ស្ថានីយ៍ជញ្ជីងថ្លឹងរថយន្ត ខ្នល់ទទឹង ស្ថិតនៅក្នុងភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ យ៉ាងរលូនឲ្យតែម្ចា ស់រថយន្តទាំងនោះបង់លុយតាមការកំណត់របស់ក្រុមមន្ត្រីប្រចាំស្ថានីយ៍។  

ចំណែកលោក គង់ សុភាព ប្រធានស្ថានីយជញ្ជីងថ្លឹងរថយន្តថ្នល់ទទឹង ត្រូវបានគេឲ្យដឹងថា ជាអ្នកបណ្តោយឲ្យមន្រ្តីនៅប្រចាំស្ថានីយ៍ជញ្ជីង ប្រែក្លាយជញ្ជីងថ្លឹងរថយន្តទៅជាជញ្ជីងថ្លឹង លុយយ៉ាងត្រជាក់ចិត្ត។

តាមការបង្ហើបពីមន្ត្រីអត់លិឌប្រចាំស្ថានីយជញ្ជីងថ្លឹងរថយន្តខាងលើ មួយចំនួនបានឲ្យដឹងថា​ទាល់តែមានការបើកដៃពីសំណាក់ លោក គង់ សុភាព ប្រធានស្ថានីយជ ញ្ជីងថ្លឹងរថយន្តខ្នល់ទទឹងនៅត្រង់ចំ ណុចបង្គោលគីឡូ លេខ 137ស្ថិតនៅក្នុងភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ ទើបមន្រ្តីនៅស្ថានីយ៍ជញ្ជីងថ្លឹងរថយន្តនេះហ៊ានធ្វើអ្វីៗតាមអំពើចិត្ត។ 

បញ្ហា​នេះ​គឺជា​រឿង​ដែល លោក ប៉េង ពោធិ៍​នា រដ្ឋមន្ត្រីក្រសួង​សាធារណការ​និង​ដឹកជញ្ជូន​និង​លោក សេង ឈួន ប្រធាន​ជញ្ជីង​ទូទាំង​ប្រទេស មិន​គួរ​មើលរំលង​តទៅទៀត​នោះ​ទេ ព្រោះស្ថានីយជ ញ្ជីងថ្លឹងរថយន្តថ្នល់ទទឹងនៅត្រង់ចំណុច បង្គោលគីឡូ លេខ 137ស្ថិតនៅក្នុងភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ កំពុង​ប្រែ​ក្លាយទៅជា​ក្រុម​ជញ្ជីង​ថ្លឹង​លុយ​តែ​ម្យ៉ាង​គត់​។