ទីស្តីការគណៈរដ្ឋមន្ត្រី ប្រាប់ឲ្យនគរបាលចាប់ខ្លួន ជំទាវឧកញ៉ា សៀង ចាន់ហេង និងបក្ខពួក ពាក់ព័ន្ធរឿងដីធ្លីនៅព្រលានយន្តហោះថ្មី ខេត្តកណ្តាល

ភ្នំពេញ៖ យោងតាមលិខិតចុះថ្ងៃទី៥ ខែមករា ឆ្នាំ២០២៣ ដែលចុះហត្ថលេខាដោយលោក កែន សត្ថា រដ្ឋលេខា ធិការទីស្តីការគ ណៈរដ្ឋមន្ត្រី បានប្រាប់ឲ្យនគរបាលចាប់ខ្លួន ជំទាវឧកញ៉ា សៀង ចាន់ហេង និងបក្ខពួក ប្រគល់ឲ្យអយ្យការចាត់ការតាមច្បាប់ ពា ក់ព័ន្ធរឿងដីធ្លីនៅព្រលានយន្តហោះថ្មី ខេត្តកណ្តាល។

  យោងតាមលិខិតខាងលើបានឲ្យដឹងថា ការចេញបញ្ជាឲ្យចាប់ខ្លួននេះ គឺទាក់ទងនឹងករណីប្រើប្រាស់ឯកសារក្លែងបន្លំ ដើម្បីកាន់កាប់អចលនវត្ថុរបស់ឈ្មោះ ហ៊ុន ប៊ុនធឿន និងឈ្មោះ ហៀវ លន់ នៅភូមិទួលសាលា ឃុំស្អាងភ្នំ ស្រុកស្អាង ខេត្តកណ្តាល    រាជរដ្ឋា ភិបាលប្រគល់សមត្ថកិច្ចឱ្យ ស្នងការដ្ឋាននគបោលខេត្តកណ្តាល ចាត់ការតាមនីតិវិធីនាំខ្លួនជនល្មើស ឈ្មោះ សៀង ចាន់ហេងនិងបក្ខពួកប្រគល់ឱ្យ អយ្យការអមសាលាដំបូងខេត្តកណ្តាលដើម្បី ចោទប្រកាន់ និងផ្តន្ទាទោសតាមច្បាប់ដោយមិនលើកលែង។

ទីស្តីការគណៈរដ្ឋមន្ត្រីបានធ្វើលិខិតជម្រាបជូនសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងអភិបាលនៃគណៈអភិបាលខេត្តកណ្តាល ករណីប្រើប្រាស់ឯកសារក្លែងបន្លំ ដើ ម្បីកាន់កាប់អចលនវត្ថុរបស់ឈ្មោះ ហ៊ុន ប៊ុនធឿន និងឈ្មោះ ហៀវ លន់ នៅភូមិទួលសាលា ឃុំស្អាងភ្នំ ស្រុកស្អាង ខេត្តកណ្តា ល។

ទីស្តីការគណៈរដ្ឋមន្ត្រីបានបញ្ជាក់ជូនសម្តេចក្រឡាហោម ស ខេង និងអភិបាលកណ្តាល ស្តីពីករណីប្រើប្រាស់ឯកសារក្លែងបន្លំ ដើម្បីកាន់កាប់អចលនវត្ថុរបស់ឈ្មោះ ហ៊ុន ប៊ុនធឿន និងឈ្មោះ ហៀវ លន់ នៅភូមិទួលសាលា ឃុំស្អាងភ្នំ ស្រុកស្អាង ខេត្តកណ្តាល។

យោង ៖ -លិខិតលេខ២៤៨៧ លស ចុះថ្ងៃទី២៤ ខែវិច្ឆិការឆ្នាំ ២០២២ របស់ក្រសួងមហាផ្ទៃ

-លិខិតលេខ០០១ ខន/០២៣ សជណ ចុះថ្ងៃទី២ ខែមករា ឆ្នាំ២០២៣ របស់ខុទ្ទកាល័យសម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា «ចំណារដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចុះថ្ងៃទី២៩ ខែធ្នូ ឆ្នាំ២០២២។

សេចក្ដីដូចមានចែងក្នុងកម្មវត្ថុនិងយោងខាងលើ ទីស្តីការគណៈរដ្ឋមន្ត្រីសូមជម្រាបជូនសម្ដេច ឯកឧត្តមមេត្តាជ្រាបថា រាជរដ្ឋាភិបាលយល់ព្រមជាគោលការណ៍ដូចខាងក្រោម៖

– អនុញ្ញាតឱ្យរដ្ឋបាលខេត្តកណ្តាលប្រើប្រាស់វិញ្ញាបនបត្រសម្គា ល់ម្ចាស់អចលនវត្ថុដូចមានចែង ក្នុងលិខិតលេខ២០៨១ ដនសស កណ ចុះថ្ងៃទី៣១ ខែសីហា ឆ្នាំ២០២២ របស់មន្ទីររៀបចំដែនដី នគរូបនីយកម្ម សំណង់និងសុរិយោដីខេត្ត កណ្តាល ដែលឈ្មោះ ហ៊ុន ប៊ុនធឿន នឹងឈ្មោះ ហៀវ លន់ ជាម្ចាស់កម្មសិទ្ធិត្រឹមត្រូវតាមច្បាប់និងចាត់ចែងប្រគល់ដី ពាក់ព័ន្ធក្នុងគម្រោង ផែនកា រ សាងសង់ព្រលានយន្តហោះថ្មីរបស់រាជរដ្ឋាភិបាល ដើម្បីទទួលប្រាក់គោលនយោបាយ និងបិទបញ្ចប់ការសើរើករណីនេះ។

– ប្រគល់សមត្ថកិច្ចឱ្យស្នងការដ្ឋាននគបោលខេត្តកណ្តាល ចាត់ការតាមនីតិវិធីនាំខ្លួនជនល្មើស ឈ្មោះ សៀង ចាន់ហេង និងបក្ខពួកប្រគល់ឱ្យអយ្យការអមសាលាដំបូងខេត្តកណ្តាលដើម្បីចោទប្រកាន់និងផ្តន្ទាទោសតាមច្បាប់ដោយមិនលើកលែង៕